Употреба на средства против создавање пена пред ултразвучно снимање
Создавањето гасови, како и ослободувањето на флатусот, е нормална појава. Сепак, количината и зачестеноста во голема мера варираат од личност до личност. Иако надуеноста често не се смета за сериозна болест, таа може да стане проблем за одредени дијагностички процедури при посета на лекар.
Ефективноста на ехо дијагностиката во пределот на стомакот е особено ограничена од присуството на гасови во желудникот и цревата. Поради гасовите во цревата, често е невозможно јасно да се видат органите и деталите за време на ехо снимањето.
Придобивки од земање средства против пенење пред ултразвучно снимање
Ако страдате од надуеност, не сте единствени. Повеќето луѓе доживуваат надуеност и флатуленција во одреден момент. Нашиот организам е прекрасен систем кој има способност да ја претвора храната во енергија. Ако во текот на овој процес се создадат премногу гасови во Вашиот гастроинтестинален тракт, чувствувате дека стомакот Ви е отечен и надуен. Неможноста да се испуштаат гасовите може да предизвика сериозна непријатност, болки во стомакот, а стомакот може да изгледа поголем.
Еве како Espumisan може да помогне: активната супстанција симетикон во Espumisan помага во ослободување на гасовите во стомакот. Тоа го постигнува со менување на површинскиот напон на меурчињата со гасови кои се наоѓаат во масата храна и мукозната мембрана и на крајот ги разградува. Гасовите ослободени во овој процес потоа се апсорбираат низ цревниот ѕид и се елиминираат со подригнување или испуштање на флатусот.
Дали средствата против пенење имаат несакани дејства?
Симетикон, активната супстанција на лекот Еспумисан, постои околу 50 години. Добро е проучен и откриено е дека е речиси нетоксичен. Дејствува на физичко ниво на гасовите кои се наоѓаат во несварената храна и не се апсорбира од телото. Може да се зема за долготраен третман. Лесен е за употреба (две капсули, 3-4 пати на ден), земен со или после оброк, како и пред спиење по потреба..
Други совети како да се избегне надуеноста за време на ехо дијагностика
Иако е опширно проучувана, науката не го разбрала целосно механизмот на надуеноста. Причините варираат многу од личност до личност и се движат од дигестивни нарушувања до чувствителност на храна или хормонални дисбаланси. Испитувањето на следните фактори може во голема мера да ја подобри елиминацијата на гасовите пред Вашието следно ехо снимање.
Алергиите на храна и нетолеранцијата на одреден вид на храна може да предизвикаат надуеност поради неможноста правилно да се свари одреден вид храна.
Премногу шеќер, премногу мешунки или премногу влакна во вашата исхрана можат да бидат проблем бидејќи несварената храна создава гасови. Исто така, пробувањето на нов вид храна додека патувате во нови земји е честа причина за иритација на стомакот.
Самиот стрес може да биде причина за лошо варење. А стресната работна или семејна ситуација може да Ве натера да јадете храна премногу брзо. Голтањето воздух додека се јаде често предизвикува надуеност и флатуленција.
Многу често бебињата голтаат прекумерно количество воздух за време на доењето. Поради ова се јавува надуеност, што може да предизвика колики кај бебињата.
Многу жени пријавуваат дека имаат надуеност за време на менструацијата. Хормоналната нерамнотежа може да го забави дигестивниот тракт и на тој начин да предизвика надуеност.
Слично на симптомите за време на менструацијата, надуеност може да се појави и за време на бременоста.
Espumisan® –ублажување на симптомите на надуеност!
Надуеноста и флатуленцијата се нормална појава. Но, нашиот модерен начин на живот може да поставува големи барања. Стресната работа, како и обидот за балансирање на хобито, семејните и социјалните активности може да доведат до стрес, како и јадењето премногу масна и друга нездрава храна. Нашиот дигестивен систем не може да го следи ова темпо, што доведува до прекумерно производство на гас кој може да се акумулира во стомакот и да создаде чувство на тежина и надуеност. Непријатноста во стомакот и стравот од неконтролирана флатуленција се сами по себе извор на стрес за многу луѓе.
Симетикон, активната супстанција на Espumisan, нуди сигурно олеснување. Симетикон е докажано и ефикасно средство против надуеност и флатуленција. Симетиконот од лекот Espumisan, овозможува ублажување на широк спектар на симптоми поврзани со гасовите, како што се флатуленцијата или отечен стомак.
Симетиконот во суштина го менува површинскиот напон на меурчињата со гас што се акумулирале во гастроинтестиналниот тракт. Кога меурчињата се распаѓаат, се ослободуваат гасови, што го олеснува нивното отстранување со подригнување или испуштање на флатусот.
Espumisan® - повеќе различни формулации за Вашите потреби.
Espumisan® 40 mg капсули
Обезбедува сигурно ослободување од симптоми како што се надуеност поради тешки и масни оброци, чувствителност на храна, стрес и надуеност за време на менструацијата.