Дали отекувањето по операцијата нормално
Многу луѓе во одреден момент од нивниот живот доживуваат операција и хоспитализација. По несреќа или болест, можеби ќе треба да поминете некое време во болница.
Во зависност од видот на погодената област, хируршките процедури можат да бидат многу стресни за телото. Многу луѓе имаат дигестивни проблеми по операцијата поради лекови, промени во исхраната во болница и недостаток на физичка активност.
Пациентите во болниците често пријавуваат стомачни проблеми како што се непријатност во стомакот, запек, надуеност и флатуленција. Ова не треба да се сфаќа несериозно, бидејќи запирањето на транспортот на храна во цревата може сериозно да му наштети на нашиот организам.
Што е постоперативен илеус (PI) и дали е опасен?
Нормално, храната се движи низ нашите црева со контракција и опуштање на мускулите во пределот на стомакот, создавајќи движења слични на бранови. Кога ќе престане таканаречената перисталтика, лекарите зборуваат за постоперативен илеус.
Илеус најчесто се јавува по абдоминална или карлична операција. Тоа може да биде предизвикано од перисталтика која не се враќа во нормална активност по операцијата, препишани лекови или дури и блокада поради постхируршки лузни.
Чувството на надуеност после операција може да има многу други причини. Истражувањата покажаа дека испитаниците пријавиле дигестивни проблеми откако земале одредени видови храна или лекови. Овие лекови вклучуваат лекови за лекување на запек (лаксативи), дијабетес (акарбоза) и лекови за помош на пациенти кои страдаат од дебелина (орлистат).
Други лекови за кои е познато дека предизвикуваат дигестивни проблеми се нестероидните антиинфламаторни лекови (како што се ибупрофен или диклофенак), како и антибиотиците.
Контрацептивните средства како таблети за контрацепција ја менуваат хормоналната рамнотежа, за која исто така е познато дека предизвикува надуеност. Многу жени пријавуваат надуеност по започнувањето или прекинувањето на терапијата со хормонална контрацепција.
Како може да се намали отекувањето на стомакот по операција?
Бидејќи многу проблеми се предизвикани од модерниот начин на живот, има многу работи што можете да ги направите за да ги намалите проблемите со надуеноста. Внимателно следење на Вашите навики и рутини може да Ви помогне да ги пронајдете причините.
Откривање и избегнување видови храна и ситуации кои прават да се чувствувате подуени
Дали се чувствувате подуени после одреден вид храна или оброк? Дали реагирате на одредени ситуации, можеби во стресни ситуации? Или се чувствувате подуени кога ќе добиете менструација?
Избегнувајте видови храна кои предизвикуваат надуеност
Алкохолот, цигарите и газираните пијалоци се познати причини за надуеност. Нивното исфрлање од исхраната може да биде првиот чекор кон подобрување на состојбата.
Промена на препишаните лекови
Илеусот или опструкцијата на дебелото црево понекогаш може да се третира со лекови за да се стимулира движењето на дебелото црево. Друга опција може да биде да престанете да користите лекови кои предизвикуваат илеус. За ова би требало да одлучи Вашиот лекар.
Лекови кои се издаваат без лекарски рецепт
Олеснување може да се постигне со помош на лекови кои се достапни во аптеките. Производите како што е Espumisan користат специјални состојки кои поттикнуваат правилен транспорт на гасови.
Физичка активност
Истражувањата покажале дека лесната физичка активност може да го подобри исфрлањето на гасовите од цревата. Активностите како што е прошетката околу блокот можат да помогнат во движењето на цревата, што може да помогне да се ослободи вишокот гасови. Ова можеби не би требало да се прави по операцијата.
Кога треба да посетите лекар?
Доколку симптомите на илеус се појават додека пациентот е сеуште во болница, во консултација со лекарот може да се утврди дали е потребна медицинска помош. Симптомите на илеус може да вклучуваат:
Болка и грчеви во стомакот
Надуен или отечен стомак
Мачнина и повраќање
Запек или пуштање мали количини на водена столица
Чувство на преполн стомак и губење на апетит
Неможност да се испуштат гасовите
Илеусот може да се лекува со чекање да помине спонтано или со промена на исхраната и лековите на пациентот. Во зависност од тежината на илеусот и основната причина, доколку симптомите продолжат, може да биде потребна операција.
Espumisan® – олеснување за надуениот стомак!
Надуеноста и флатуленцијата се нормална појава. Но, нашиот модерен начин на живот може да поставува големи барања. Стресната работа, како и обидот за балансирање на хобито, семејните и социјалните активности може да доведат до стрес, како и јадењето премногу масна и друга нездрава храна. Нашиот дигестивен систем не може да го следи ова темпо, што доведува до прекумерно производство на гас кој може да се акумулира во стомакот и да создаде чувство на тежина и надуеност. Непријатноста во стомакот и стравот од неконтролирана флатуленција се сами по себе извор на стрес за многу луѓе.
Симетикон, активната супстанца на лекот Espumisan нуди сигурно олеснување. Симетикон е докажано и ефикасно средство против надуеност и флатуленција. Симетиконот во Espumisan-от обезбедува ослободување од широк спектар на симптоми поврзани со гасови, како што се флатуленцијата и надуениот стомак.
Симетиконот, во суштина го менува површинскиот напон на меурчињата со гасови кои се акумулирале во гастроинтестиналниот тракт. Кога меурчињата се распаѓаат, се ослободуваат гасовите, што ја олеснува нивната елиминација преку подригнување или испуштање на флатусот.
Espumisan® - различни формулации за Вашите потреби
Espumisan®L 40 mg/ml емулзија
Емулзијата лесна за голтање содржи 40 mg симетикон